Vozrojdeniye (Tiklanish) oroli

Dunyodagi eng maxfiy hududlardan biri Orol dengizida joylashgan Vozrojdeniye (Tiklanish) oroli haligacha sir saqlanadigan hududlardan biri hisoblanadi.

Bu yer 1942 yildan 1992 yilgacha harbiy biokimyoviy poligon bo‘lgan. U yerda tajriba hayvonlari — itlar, maymunlar, qo‘y va otlarda bakteriologik qurollar sinovdan o‘tkazilgan. Obyekt qattiq qo‘riqlangan, orolga begonalar kirishi qat’iyan taqiqlangan.

Poligon uchun ishlagan xodimlarning aksariyati qayerda ishlayotganini bilishmagan. U yerda olimlar aynan qanday tadqiqot bilan shug‘ullangani haligacha noma’lum.